Vardar Fans
Вардар го загуби натпреварот со Веспрем иако водеше на полувреме со плус пет. Со овој пораз сега на нашиот тим му виси второто место во групата А. Остануваат уште две кола, еден дуел на домашен терен и еден на гости.
Вардарци одлично го одиграа првиот дел и заслужено заминаа на пауза со комотна предност од плус пет 16:11. Натпреварот со гол го отвори Дисингер. Во петтата минута од натпреварот резултатот беше 2:2, а голот за нашиот тим го постигна Стоилов. ,До средината на првиот дел се играше изедначено со еден до два гола предност за нашиот тим. Веќе од 19. минута започна одличната игра на нашите играчи кои со помош на одлилната публика правеа солидна предност. Веќе во 22. минута со двата гола во серија на Чупиќ, Вардар дојде до највисоките плус три, 11:8. Вардар тука не застана, па така веќе во 26. минута со вториот гол на Калараш денеска дојде до убедливи и максимални плус четири, 13:9. Максимална разлика се зголеми па така во следниот напад со голот на Шишкарев дојдовме на 15:9, или убедливи плус шест. До крајот на првиот дел Веспрем успеа да намали само еден гол од овие шест, па така на пауза се замина со комотна предност на Вардарци од плус пет, 16:11. Одлични во првиот дел беа Дисингер со пет погодоци и на голот Дејан Милосављев со дури 10 успешни одбрани, на спротивната страна Лекаи имаше шест голови.
Вториот дел започна со два гола во серија на гостите, за намалување на предноста на само три гола. Серијата на гостинот ја прекина Мораес со својот прв гол денеска за нови плус четири. Грешките во редовите на Вардар зачестија во вториот дел, па така тимот на Веспрем во 38. минута успеа да дојде на само еден гол негатива, 17:16. Кризата во нападот на Вардар се увиде на стартот, во првите десет минути од вториот дел нашиот тим успеа да постигне само два гола. Вардарци се разбудија и со два гола во серија, дојдоа до предност од плус два, 19:17. Со два гола во серија на Криштопанс, Вардар се врати на комотни плус три, 21:18 во 45. минута од дуелот. Во последните десет минути од дуелот Вардар влезе со предност од плус еден. Во 53.минута од дуелот Веспрем имаше предност од плус еден 23:24. Веднаш потоа врати Скубе за нов егал, 24:24 во 54. минута. Во последните пет минути подобро се снајде тимот на Веспрем и го доби овој дуел, со резултат 27:29.
Најефикасен во нашите редови беше Дисингер со 5, додека Скубе, Стоилов и Кристопанс додадоа по 4 погодоци.
