Ракометарите на Еурофарм Пелистер го добија првото вечно дерби со Вардар 1961 соа 23-25 (11-12), во рамките на плеј-офот на Суперлигата во Македонија. Во неверојатна атмосфера во СЦ „Јане Сандански“, со присуство на двете навивачки групи „Комити“ и „Чкембари“.
Се почна гол за гол, најчесто гостите водеа со еден погодок, а нашите момци изедначуваа. Црвено-црните ракометари први поведоа со плус два во првото полувреме, кога Куни Моралес искористи грешка и погоди во контра за 9-7. Сепак, следеше лесно враќање на гостите, а до крајот на првите 30 минути гостинот беше тој што бркаше минимален заостанок. Во завршницата на полувремето Еурофарм Пелистер ја презеде предноста и на пауза замина со минимални 11-12.
Во вториот дел голманите, Томовски и Кизиќ беа во елемент, врзаа серија одбрани и неколку минути на семафорот стоеше 15-17. Отпорот на битолчани го скрши Дибиров, меѓутоа на спротивната страна одговори Танкоски. По новата серија нереализирани напади, Еурофарм Пелистер поведе со највисоките 16-19, а тоа го натера Давид Дејвис Камара да свика минута одмор. До крајот не успеавме да ја анулираме негативата и забележавме пораз со 23-25.
Тимур Дибиров имаше 6.гола, додека пет даде Куни Моралес.