Гаџа и Ѓукиќ повикани од своите репрезентации за претстојната ЕХФ недела

Ракометните репрезентации на Хрватска и Србија ќе бидат активни во ЕХФ неделата која ни следи.

Хрватска ќе игра натпревари со репрезентацијата на Словенија, за кои селекторот Хрвоје Хорват го повика Анте Гаџа да биде дел од составот кој ќе се спротивстави на словенците.

Селекторот на Србија, Тони Херона, објави список на играчи на кои ќе смета за натпреварите против репрезентацијата на Словачка.На истиот се најде и десното крило на Вардар, Дарко Ѓукиќ. Натпреварите се подготовка за Европското првенство кое на пргорамата е во јануари следната година.