Vardar Fans
Пионерите на фудбалскиот клуб Вардар продолжуваат со победи на пријателските натпревар. Вчера на спотскиот комплекс во населбата Хиподром, избраниците на Саше Божиноски убедливо ја победија екипата на Скопје со резултат 7:0.
Вардар: Илиевски, Митревски, Серафимов, Кулуковски, Јакимовски, Трајчевски, Фидановски, Дошев, Спасиќ, Кузмановски и Алији.
На полувреме младите надежи на Вардар беа во предност од 2:0, додека во вториот дел ја наполнија противничката мрежа. Алтин Алији беше голгетерески расположен постигнувајќи четири голови, додека во листата на стрелци се запишаа уште и Дамјан Цикарски, Агрон Туша и Никола Уневски. Вардар доминираше на овој натпревар со голем посед на топка, па конечниот резултат е реална слика по она што се случуваше на теренот.
