Петмината вардарци дел од руската репрезентација за дуелот со Унгарија

Денес прв настап на Европското првенство ќе има и руската репрезентација, во која настапуваат најмногу играчи од редовите на Вардар. Со почеток од 16:0о часот, Русија ќе одигра натпревар против селекцијата на Унгарија.

Тренерот на Русија, Едуард Кокшаров, го објави составот со кој ќе располага за овој натпревар. Во истиот се најдоа и пет ракометари од Вардар. Се работи за Тимур Дибиров, Павел Атман, Глеб Калараш, Сергеј Горбок и Данилл Шишкарев. Инаку во стручниот штаб на „зборнаја“ се наоѓа и Дејан Периќ, тренерот на голмани во Вардар.

Директен пренос од мечот ќе можете да проследите на телевизија Телма.