Vardar Fans
Во второто коло од групите А и Б во машкиот дел на турнирот “Вардар, еден живот, една љубов, победи забележаа екипите на Урдаревски, Гостивар, Филип и Преспа
РК Урдаревски ја забележа втората победа во групата против Војнисон и веќе се во полуфиналето на турнирот, кај генерација родени 2000/01 година. Уште по првото полувреме ја најавија победата кога имаа предност од 3:9. Започнаа со водство од 0:2, за РК Војнисон да го постигне првиот гол по четири минути игра. Следи серија на Урдаревски од 0:3 за веќе водство од 1:5. За момент Војнисон намали на 3:6, но до крајот на првото полувреме, Урдаревски стигнува до највисоки шест голови предност. Второто полувреме започна исто така со гол на Урдаревски кој веќе имаше убедливи 3:10. Дефинитивно Урдаревски беше тимот кој ја контролираше играта и резулттаот. Имаа и двоцифрена предност од 4:14, за на крајот да ја потврдат победата од 6:16. Оливер Јовчевски беше убедливо најефикасен кај победничкиот тим со 7 голови.
Втора победа забележа и екипата на РК Гостивар во оваа група, овој пат против тимот на РК Шампион. Во првото полувреме гледавме неизвесен натпревар, иако РК Гостивар беше тимот кој беше постојано во предност. Имаа водство од 3:1, но во продолжение од натпреварот следи израмнување на резултатот на 5:5. Гледавме уште едно израмнување 7:7. за екипата од Гостивар да постигне три голови во серија и на полувреме да има водство од 10:7. Во второто полувреме, избраниците на Чивлачки се заканија на водството на Гостивар и намалија на само еден гол разлика (11:10). Сепак повторно екипата предводена од тренерот Селмани успева да се одлепи и со серија од 4:0 да стигне до највисоко водство од 15:10. Овој период на крајот се покажа како клучен за конечниот победник. Резултатот по истекот на 30 минути гласеше 20:15 за тимот на Гостивар. Филип Илиески беше најефикасен со 6 голови.
Во оваа група А, екипите на РК Урдаревски и Гостивар имаат освоено по 6 бодови и веќе се пласираа во полуфиналето на турнирот. Тие меѓусебно ќе се сретнат во третото коло од групата, меч кој ќе го даде првото и второто место во оваа група.
Се одиграа натпревари и од второто коло на групата Б, каде до прва победа стигна екипата на РК Преспа. Овој тим беше подобар во дуелот со РК Бутел, за кој ова беше втор пораз во групата со кој ги изгуби шансите за пласман во полуфиналето. Уште на стартот, екипата од Ресен поведе со 0:2, а имаа водство и од 2:5. Постигна гол РК Бутел за намалување на 3:5, но следи страшна серија на Преспа од 0:7 за убедливи 5:12. Овој резултат беше актуелен на полувреме. Доминација на Преспа и во второто полувреме, кога стигнаа и до двоцифрена предност од 6:16. До крајот на мечот повеќе голови им припаднаа на Преспа, кои победија со конечни 8:222. Филип Велковски беше најефикасен кај победничкиот тим со 6 погодоци. Со оваа победа, Преспа ги задржа шансите за учество во полуфиналето.
Во оваа група се одигра дербито помеѓу екипите на РК Филип и РК Илинден. До втора победа стигна прилепската екипа и веќе со една нога се во полуфиналето на турнирот. Во првите десет минути се играше гол за гол на двете страни, а последното израмнување беше при резултат 6:6. Сепак од тие моменти, екипата од Прилеп успева со серија од 4:0 да се одлепи на 10:6, а на полувреме да има водство од 11:7.
Во второто полувреме избраниците на Таневски го контролираа резултатот и не дозволуваа на Илинденци да се доближат резултатски. Стигнаа и до највисоки 17:11, по што полека започна да се назира победата. Ово резултат им овоозможи на РК Филип да се олабават, но и да ги чуваат силите за утрешните натпревари. До крајот избраниците на Дарко и Александра Јанев успеаа да го намалат резултатот на 21:18, што беше и конечен резултат на крајот. Андреј Ѓероски постигна 7 гола кај РК Филип.
Во текот на утрешниот ден ќе се знаат и полуфиналистите во оваа група. Тука најблиску е РК Филип кој има 6 освоени бодови, додека по 3 бода имаат екипите на Илинден и Преспа. Утре во последното коло Илинден е среќава со “отпишаниот“ тим на Бутел, додека Филип Вардар ќе игра против Преспа.
