Vardar Fans
Во среда, Вардар го очекува нов натпревар, овој пат во рамките на СЕХА-лигата. Во С.Ц. Јане Сандански гостува екипата на Мотор Запорожје. Против оваа екипа сезонава одигравме веќе два меча на гостински терен, по еден во ЛШ и СЕХА. Оној во ЛШ го добивме во своја корист, додека на дуелот со СЕХА-лигата бевме поразени. Денес клубот одржа прес-конференција на која ги изнесе очекувањата за овој дуел. Тренерот Едуард Кокшаров го изјави следново:
-Двете екипи нема да бидат комплетни, ниту Мотор Запорожје нема да дојде со својот најсилен состав во Скопје. После тешкиот дуел со Киелце одмор ќе добијат некои од играчите, но тоа не значи дека нема да дадеме максимум. Нашата цел е јасна на секој дуел, тоа се бодовите и победата, истакна Кокшаров.
И покрај заморот и проблеми со повредени играчи, капитенот Стоилов истакна дека Вардар треба да го искористи домашниот терен и да оди на победа.
-Се работи за квалитетен противник, па во среда не очекува максимално тежок натпревар. После тешките натпревари во Лигата на Шампионие постои замор кај играчите, а во саботата имавме и тежок дуел против тимот на Киелце. Многу играчи го носат товарот цела сезона и сметам дека сега можат да добијат поштеда и да одморат. Како и да е, ние одиме на победа, нашата предност е домашниот терен кој треба да го искористиме.
Дуелот во среда стартува од 20:15 часот со директен пренос на МРТ. Билетите за овој дуел чинат 50 денари.
