Vardar Fans
Вардар денес во 3.коло од Лигата на европски ракометни шампиони се сретна со ППД Загреб, во дуелот кој се одигра во С.Ц “Јане Сандански“ црвено-црните дојдоа до победа со резултат 28:21 (13:10). Ова беше третта победа во исто толку дуели за нашите момци во оваа нова сезона во шампионската лига. На прес конференцијата по дуелот присуствуваа Раул Гонзалес и руското крило Данил Шишкарев, тие пред медиумите изјавија:
Гонзалес: Најпрвин да им честитам на Загреб за одличниот меч. тие одигра добар натпревар на почетокот, а потоа откако ја консолидиравме одбраната нашиот противник се соочи со проблеми. Поддршка имавме од нашиот голман и го кревавме нивото на играта. Мислам дека во второто полувреме бевме далеку подобри од она што го прикажавме во првите 30 минути. Загреб има одличен тренер и одлични млади играчи така што јас сум среќен што успеавме да го совладаме нашиот ривал.
Шишкарев: Тешко почнавме во првите минути, но потоа почнавме да играме како што знаеме и дојдовме до водство кое мудро го држевме во своите раце. Ниту еднаш не го испуштивме водството, а мечот го решивме на стартот на вториот дел кога имавме добра одбрана и ги сопиравме. Многу сме задоволни што имаме три од три и одиме понатаму. Ја заслуживме оваа победа
