Vardar Fans
Црвено-црниот ракометен машки колектив утре во рамки на регионалнта СЕХА Гаспром лига ќе биде домаќин на шампионот на Хрватска екипата на ППД Загреб. На денешната стандардна прес-конференција пред овој дуел во регионалното натпреварување тренерoт на РК Вардар шпанецот Раул Гонзалес ги искажа својте очекувања за престојниот дуел:
Одигравме добар натпревар против Веспрем, затоа треба да ја повториме таа игра и на утрешниот меч. Знаеме дека ќе биде тешко против Загреб, бидејќи тие има добар тренер и играчи, ја користат секоја грешка и имаат брз контра-напад. Очекувам добар ракомет, денес ќе го одработиме последниот тренинг по што ќе знаеме кој ќе биде составот кој ќе истрча на теренот во вторник.
На прес-конференцијата присуствуваше и капитенот на Вардар пикерот Стојанче Стоилов, тој беше дел од црвено-црните кога сегашниот тренер на ППД Загреб Веселин Вујовиќ го водеше нашиот шампион, тој тоа го напомена во изјавата, покрај тоа тој го изјави следново:
Загреб е една од екипите која најдобро ја познаваме, заедно сме во СЕХА лигата од самото формирање. Тие имаат тренер кој одлично нè познава, но и ние него. Натпреварот ќе биде динамичен и борбен. ППД Загреб е квалитетна и незгодна екипа, тоа го потврдија и минатата сезона во СЕХА лигата и Лигата на шампионите. Ако ја повториме играта против Веспрем можеме да очекуваме позитивен резултат.
