Vardar Fans
Во четврток во Скопје се игра првиот 1/8 финален дуел на старите ривали Вардар и Веспрем. На овој двомеч фаворитската улога му припаѓа на тимот од Унгарија, но и Вардар има свои адути и планира добра игра па зошто да не и нов двобој во 1/4 финалето.
Пред дуелот во четврток, тренерот на гостинскиот тим се соочува со проблеми околу играчкиот ростер. Левиот бек на тимот, Расмус Лаугe Шмит е неизвесен за настап, па сигурно дека негово неиграње ќе биде голем ,,минус” за тимот на Веспрем. Данецот оваа сезона во Лигата на шампионите постигна 36 погодоци. Исто така неизвесен за настап е и искусниот среден бек Мате Лекаи. Лекаи иако оваа сезона не е во преден план кај противникот, сепак негово отсуство би можело да се осети, доколку свој ден нема Ненадиќ.
Останува да видиме дали навистина Веспрем во Скопје ќе допатува без овие двајца искусни ракометари.
