Маратонот за РК Вардар продолжува денес и во петок

Во наредните два дена ќе продолжи маратонот на одигрување натпревари во плејофот на супер лигата, за нашиот машки ракометен шампион. После триумфот во дербито со екипата на Металург, избраниците на Раул Гонзалес вечерва ги очекува нов предизвик во првенството. Со почеток од 18 часот гостуваме во спортската сала “Парк-Струмица“ на тимот на Макс Струмица. Двете екипи имаат одиграно по три натпревари и забележано исто толку победи. Црвено-црните се големи фаворити и не би требало да имаат никакви проблеми во освојувањето на нови три бода, кои би не зацврстиле на врвот на табелата. Темпото на одигрување мечеви стана се посилно, откако ги завршивме настапите во ЛШ не очекуваат мечеви од домашната лига, а веќе за девет дена и завршниот турнир од купот на Македонија.

Ќе нема многу одмор за Вардарци, кои веќе во петок ги очекува нов натпревар во супер-лигата. Противнк во спортскиот центар Јане Сандански ќе ни биде екипата на РК Прилеп 2010, која по четири одиграни кола има половичен успех од две победи и два порази.