Кадетите на РК Вардар го претрпеа првиот пораз сезонава, откако вчера загубија од екипата на Мулти Есенс. Конечниот резултат на натпреварот гласеше 28:29.
Во најголем дел од првото полувреме избраниците на Зоран Петковски беа во предност, која најмногу достигна два гола разлика. Беше 4:2, 8:6, но сепак противникот постојано одржуваше чекор и не дозволи Вардар да се одлепи на поголема позитива. Во првиот дел видовме вкупно седум израмнувања на резултатот, така беше и на полувреме, кога ниту една од екипите немаше предност, односно на семафорот во спортската сала на „ОУ Круме Кепески“ стоеше резултат 15:15.
Вториот дел го стартувавме со два последователни голови за предност од 17:15, но противникот врати со серија од 0:3 и тие поведоа со еден гол разлика. Долго време гледавме игра гол за гол, екипата на Мулти Есенс, успеа да се одлепи на два гола разлика, поведе со 24:26 и до крајот ја задржа предноста, за да слави триумф над Вардар.
Најефикасен во редовите на Вардар беше Томислав Стаменков со 9 постигнати голови, Матеј Тевдовски имаше 6, додека Јован Божиновски 5 погодоци.