Струга подобра од Вардар Јуниор, прв пораз за младите вардарци во Супер лигата

Младиот состав на Вардар Јуниор го претрпе првиот пораз во новата сезона од супер-лигата, откако вечерва беа поразени на гостувањето кај екипата на Струга. Славеше домашниот тим со двоцифрена предност, резултатот на крајот беше 32:22.

Иззбраниците на Петрушевски дадоа силен отпор, но сепак дојде до израз младоста и неискуството кај овие момци, кои секако дека има што да покажат во продолжение од сезоната. Први го отворивме резултатот, но домашниот тим постигна три гола во серија и од тој момент не дозволи да ја испушти предноста. Водстовото во првиот дел се движеше од 3-5 гола во корист на Струга. По првото полувреме резултатот беше 15:10. Во вториот дел само се зголемуваше позитивата во корист на стружани, а Вардар Јуниор не успеа да се врати во мечот. На крајот победата беше изразена и со двоцифрена разлика.

Кај Вардар најефикасен беше десното крило, Мартин Димов ,кој постигна 5 голови, додека левиот бек Дејан Кукуловски беше стрелец на 4 голови.

ВАРДАР ЈУНИОР: Ставровски, Димов 5, Јанковски 3, Кукуловски 4, Јакимовски 2, Карапалевски 2, Атанасовски, Бикоски, Ќосевски 1, Николовски, Анѓеловски, Гашоски, Димитровски 1, Крстевски 1, Анѓелковски, Ѓоргиев 1, Атанасовски 2.