Vardar Fans
Најинтересениот натпревар од денешната програма во “Јуниор’ лигата се одигра во генерација 2002/03, помеѓу машките екипи на РК Илинден и Опш.Кисела Вода 2. На крајот славеа избраниците на Дарко Јанев, ракометната школа Илинден-Вардар.
Во првите пет минути од мечот, РК Опш.Кисела Вода имаше водство кое не беше поголемо од еден гол разлика. Последната нивна предност на овој меч беше при резултат 2:3, но од тој момент следи доминација во играта на РК Илинден кој прави резултатски пресврт и со серија од 5:0 поведуваме со 7:3. До крајот на првото полувреме, Кисела Вода успева да ја намали разликата и на одмор да се замине со резултат 8.5.
Во второто полувреме, РК Илинден го одржуваше водсвтвото, но на моменти Кисела Вода се доближуваше на нивната предност. Набрзина во вториот дел намалија на 9:8 и во следните пет минути се играше гол за гол на двете страни. Избраниците на Дарко Јанев повторно успеваат да се одлепат на три гола позитива (13:10), но во последните пет минути следевме вистинска драма на Кале. Кисела Вода успева да сврзе три голови и во последната минута од мечот да го израмни резултатот на 13:13.
Сепак во последниот напад беше свирен удар од седум метри за Илинден, на 7 секунди пред крајот на мечот. Илинденци успешно го реализираа пеналот и поведоа со 14:13. Немаше време на спротивната страна за нешто повеќе, па мечот заврши со конечен резултат од 14:13.
Кај победничкиот тим Филип Давидовски постигна 5 голови, кај Кисела Вода Вардар 2 по 4 погодоци беа дело на Стефан Анастасовски и Виктор Митевски.
