ЖКК Вардар е во низа од 10 победи, Шкупи следен предизвик за задржување на лидерската позиција

ЖКК Вардар во изминатото коло успеа да ја совлада екипата на Бадел 1862 во директен дуел за врвот на табелата. Девојките на Жаклина Стојановска в гости одиграа феноменално и го совладаа шампионот со 63-77, со истата победа се оделпија на врвот на табелата каде сме лидери со 35.бода, односно два повеќе од сино-жолтите дами.

Викендов не очекува дуел на кој ќе се обидеме да дојдеме до 11.победа во низа, на гости во малата сала при СРЦ “Кале“ ни гостува  тимот кој е 9.пласиран на тебелата во Првата кошаркарска женска лига екипата на КК Шкупи од Скопје. Црвено-црните девојки се апсолутен фаворит за победа во овој дуел, па повеќе од очекувано е дека ќе го задржат врвот на табелата и по ова коло.

Лидерската позиција на табелата не е случајна, ние доминираме оваа пролет и сме тим со највеќе победи во лигата. Вардарки со постигнати 1533 поени се најефикасен тим во лигата, тие ја имаат и најдобрата одбрана која прими само 729 коша досега.