Vardar Fans
Денес се спушти завесата на 3-та сезона во Вардар Јуниор ракометната лига во ракомет организрана од Академијата на РК Вардар. Во последното финале кое се одигра во нас.Илинден-Скопје кај момците во генерација родени.2002/2003 екипата од Кичево, РК Кале Вардар го победи тимот кој ја бранеше титулата РК Преспа Вардар. До бронзата дојде екипата на Опш.Кисела Вода Вардар.
Во финалето по голема драма РК Кале Кичево го “декруниса“ тимот на РК Преспа Вардар од Ресен. Дуелот почна со почетни 1-1, потоа се играше гол за гол и постојано беше реми се до 4-4. Со два гола Кале се одлепи на 6-4, но момците од Ресен додадоа гас и успеаа да ја вратат резултатската симетрија изедначувајќи на 9-9 во продолжението. Шампионот во оваа генерација РК Преспа Вардар од Ресен со финална серија 3-1 успеа на полувреме да замина со два гола позитива на своето конто. На семафорот стоеше 10-12 за Преспа за време на паузата.
Вториот дел одлично го отвори екипата од Кичево тие влегоаа силно, на голот ја имаа расположената Драгана Маркоска која врза серија одбрани, а во нападот казнуваа. Сето тоа донесе серија 6-1 за нив по која го преземаа водството и поведоа со “плус три“, 16-13. Вистинско финале се одигра денес во Илинден двете екипи дадоа максимум на теренот, во последните 2 и пол минути влеговме со драматичен резултат 19-19. Двата тима беа блиску, но и далеку од златото во тој момент. Кичевчани се обида и успеаа да се одбанат во финишот, со два гола победија со 21-19. Кај победникот Стојчески даде 6 гола, а Венцоски 5, кај ресенчани Давид Арсовски даде 9 гола.
Во дуелот за “бронза“ екипата на Опш.Кисела Вода Вардар дојде до победа во мечот со РК Урдаревски Вардар со резултат 23-16 (12-8). По првата судиска свирка во атак тргна тимот на Кисела Вода, тие на почетокот успеаа да се оделпат на 0-3. Нивниот противник изнајде сили и изедначи враќајќи со иста мерка на 3-3. Сепак следеше нова серија на Кисела Вода тие со серија 0-5, поведоа со високи 3-8. До крајот на првиот дел се играше игра гол за гол на двете страни. Па на одмор Кисела Вода замина со плус четити гола на контото, на семафорот стоеше 12-8.
Вториот дел почна со игра гол за гол двата тима отворија со по седум гола, екипата на Кисела Вода и понатака ја имаше предноста од полувремето овој пат со 15-19. Во последните минути РК Урадаревски падна со ритамот па тоа умешно го кани нивниот ривал. Тие влегоа во серија постигнувајќи лесни голови, а одиграа добро во одбраната. Со финалната серија 4-1, Кисела Вода ја завери “бронзата„ со резултат 23-16.
