Густ дел од сезоната за РК Вардар, три меча за три дена ги очекуваат црвено-црните

Доаѓа дел од сезоната во кој црвено-црните имаат доста густ распоред поради големиот број на заостанати дуели од првенството и настапот на Ф-4 турнирот во Купот на Македонија. Вчера пристигнаа во Скопје,  денес и утре имаат време за мал одмор и подготовка за она што ги очекува потоа,  тие  во три дена треба да одиграат три натпревари.

Распоредот како што е дефиниран во моментов вели дека  во четврток во Плеј-офот ќе се сретнат со скопскиот ривал Пролет. Ден потоа, в петок во 20-00 часот следува полуфинале  во Купот на РМ против Еурофарм Работник кое се игра во Куманово. Нормално со голема веројатност е да се очекува дека Вардар да се пласира во финалето, па тогаш в сабота од 20-00 часот следува и меч за Куп пехарот против подобриот од дуелот помеѓу Металург и Бутел Скопје.