СЕХА го најави враќањето на Филип Талески, овој пат во дресот на Вардар

Македонскиот репрезентативец, Филип Талески, во новата сезона ќе настапува за Европскиот ракометен Шампион, откако се согласи на договор со времетраење од една година.

СЕХА-лигата преку посебно видео го најави враќањето на Талески во ова натпреварување. Талески три години беше дел од СЕХА-лигата, во периодот од 2014-2017 година кога го носеше дресот на Металург. Подоцна се пресели во екипата на Рајн-Некар каде помина две години, додека последната сезона настапуваше за екипата на Балинген.