СЕХА : Вардарци заминаа за Нови сад, следат два сеха-меча

Во регионалната Сеха лига има  уште три меча пред зимската пауза, а нашите момци се очекува во  сите три дуели да победат и да освојат  максимални девет бода, два меча  од тие се гостински. Момците вчера заминаа на пат, а прва станица е Нови Сад, каде што денес ќе играат против Војводина. Тоа е натпревар од 13. коло кој може да го зацврсти Вардар меѓу првите четири на табелата во СЕХА Газпром лигата и да му донесе место на Ф4 турнирот.

Мечот меѓу Вардар и Војводина е закажан со почеток во 18-00 часот, а два дена потоа  во вторник гостуваме кај екипата на  Татран. Тимот предводен од Гонзалез се враќа во Скопје в среда. Оваа календарска година ќе ја затвориме на домашен терен, со мечот против Спартак Војпут . Овој меч е закажан за 19 декември- вторник. Пред да започне оваа  завршна турнеа Вардар се наоѓа на второто место на табелата со 25 бода, зад Татран Прешов кој води со 27.