Vardar Fans
Во текот на вчерашниот ден беа актуелни натпреварите од последното коло во рамките на квалификациите за пласман на ЕП кое следната година ќе се игра во Унгарија и Словачка. Таму место ќе има и за ракометарите на Вардар кои се дел од своите репрезентации. Покрај Македонија, настап на ЕП обезбедија и Црна Гора за која настапува Шеваљевиќ, како и Полска за која настапува Патрик Валчак.
Црна Гора го доби решавачкиот натпревар против селекцијата на Романија со резултат 23:19. До победа, црнагорците стигнаа со подобра игра во вториот дел од дуелот кога успеаа да го скршат отпорот на противникот. Васко Шеваљевиќ успеа да постигне три гола.
Полска го загуби натпреварот од Холандија со резултат 32:30, но како најдобра третопласирана репрезентација ќе патува на ЕП. На натпревар со неколку пресврти и со многу голови на крајот како подобра се покажа селекцијата на Холандија која исто се пласираше на ЕП. Патрик Валчак успеа да постигне еден гол на натпреварот.
