Осум ракометари на Вардар повикани за младинската репрезентација, на контролните натпревари со Бугарија

Младинската ракометна репрезентација на 22 и 23-ти декември во Габрово ќе одигра два контролни натпревари со соодветната селекција на Бугарија. Собирот е закажан за на 19-ти декември, а селекторот на оваа селекција, Данило Брестовац го објави списокот на ракометари на кои ќе смета за овие контролни мечеви. На него се наоѓаат дури осум ракометари кои доаѓаат од Вардар и тоа играчи кои настапуваат за вториот тим, или Вардар Јуниор. Се работи за Дејан Кукуловски, Стефан Чакалиќ, Стефан Атанасовски, Антонио Николовски,  Стефан Крстевски, Кристијан Ангелковски и Иван Димитровски, како и Христи Бикоски кој игра за младинците на Вардар.

Истовремено и кадетите ќе бидат во Бугрија, каде ќе одиграат два контролни натпревари со врсниците од Бугарија. И двете репрезентации на Македонија се подготвуваат за ЕХФ Шампионатот.