Saturday ,13 July 2024
Последни:
Home > РК Вардар > Прв Тим > Стоилов: Одигравме со срце и храбро
Стоилов: Одигравме со срце и храбро

Стоилов: Одигравме со срце и храбро

Македонија направи голем исчекор кон пласман во следната фаза од Светското ракометно првенство, кое од вчера започна во Франција. Вечерва нашите ракометари го одиграа својот прв меч на овој мундијал и забележаа многу важен триумф. Совладан беше нашиот стар “должник“ селекцијата на Тунис, која ја совладавме со резултат 34:30. На тој начин со победа го отворивме СП во Франција. Предводник во победата беше капитенот Кирил Лазаров, додека пикерот на Вардар, Стојанче Стоилов одигра одличен натпреваар постигнувајќи 7 погодоци.

-Сите ја чекавме оваа победа. Одигравме со срце и храбро. Знаевме дека ќе биде тешко, но дадовме се од себе, и го остваривме тоа што го планиравме. Но, не треба да летаме сега во облаци, одиме чекор по чекор. Да останеме смирени и треба уште да победуваме на овој мундијал.

Стоилов возбуден од победата рече дека незнаел како дошле до резултатски пресврт, откако Македонија имаше негатива во еден момент од четири голови разлика.

-Поим немам. Тие играа многу цврсто, ние го издржавме тој период и потоа се вративме до триумф.