Vardar Fans
Нова победа за кадетската ракометна репрезентација на светското првенство во Хрватска. Нашите млади надежи во рамките на последното коло од главната фаза успеаа да излезат како победници во соочувањето со екипата на Австрија, триумфирајќи со резултат 28:22.
До средината на првото полувреме се играше гол за гол, а Македонија многу подобро ги одигра завршните 15 минути кога успеа на полувреме да замине со висока предност од 14:8.
Во вториот дел успеавме да ја одржиме стекнатата предност, на моменти Австрија намали на четири гола разлика, но избраниците на Стојановиќ не дозволија мечот да влезе во неизвесност. На крајот триумф за ракометните кадети, вкупно трет на мундијалот во Хрватска.
Нашата млада репрезентација со оваа победа ќе разигрува за пласман од 9-12 место на СП.
Единствениот вардаров играч во составот на кадетската репрезентација, Марио Стојановски, одигра добар натпревар на кој успеа да постигне 4 гола.
