Капитенот на Вардар, Стојанче Стоилов се врати на тренинзите и ќе биде во конкуренција за настап на дуелот против екипата на Брест Мешков.
Стоилов испадна позитивен на корона вирусот, па беше принуден да го пропушти реванш мечот од 1/4 финалето против екипата на Нексе, како и завршниот турнир во СЕХА-лигата, на кој Вардар го освои второто место.
Денес Стоилов се појави на тренинзите на Вардар и дефинитивно ќе патува за Брест, каде црвено-црните го очекува меч од Лигата на Шампионите против екипата на Брест Мешков.
Ова се секако добри вести за Вардар, со оглед дека Стоилов е незаменлив дел од тимот, а неговото присуство е само дополнителна мотивација за екипата.