Vardar Fans
Неочекувано, тимот на Вардар го загуби финалето од Купот на Македонија, откако вечерва беше поразен од тимот на Металург на пенали. Студен туш за нашиот тим, пред најважните дуели сезонава.
Во едно релаксирано прво полувреме, Вардар во куп финалето имаше предност од плус четири, 16:12 над тимот на Металург. Натпреварот започна одлично за нашиот тим, веќе по шест минути игра црвено – црните дојдоа до висока предност од 5:0. Тимот на Металург се консолидираше, па во десеттата минута имаше три негатива, 7:4. Серија на промашувања на двете страни следуваше во текот на натпреварот, а свој минути имаа Гедбан и Дупљачанец. Во продолжението од натпреварот со својот трет гол денеска, Кисељев го донесе нашиот тим до предност од плус четири, 10:6. До крајот на првиот дел тимот на Металург влезе во серија на грешки, а нашиот тим тоа го искористи па на пауза замина со предност од плус четири, 16:12. Во првиот дел Кисељев даде три гола исто колку и Чупиќ, а Гедбане имаше шест успешни одбрани.
Вториот дел започна лошо за нашиот тим. Неочекувано, во 37. минута Металург со серија од неколку погодоци дојде до предност од еден гол, 19:18. Серијата на противникот продолжи, па преку Шпенде во 39. минута дојдоа до високи плус три, 22:19. Серијата на Металург ја прекина Чупиќ од пенал во 43. минута за намалување на минус два, 20:22. Вардар се разбуди, па со серија од 5-0, дојде до предност од плус еден благодарение на головите на Криштопанс кој почна да игра во нападот во вториот дел, како и Карачиќ. Во последните седум минути од дуелот се влезе со егал, 25:25. Во последните минути од финалето тимот на Металург имаше напад за победа, но Шпенде не успеа да донесе голема победа. На пеналите поуспешен беше тимот на Металург кој на крајот и го подигна трофејот.
Вардар: Гедбан (12 одбрани) Горбок 1, Кисељев 3, Мораеш 2, Дибиров 2, Скубе 3, Поповски 4, Стоилов 2, Чупиќ 7, Недановски 1, Криштопанс 4.
