Vardar Fans
Оној што кажува така, значи немаат почит кон сите екипи. Сега има многу екипи со шанси да бидат победници, не само во групата туку и на Ф4. Ние сме во група со Кјелце, кој е европски првак и нормално е дека тие би требало да бидат фаворити. Кога некој зборува поинаку, тогаш тој нема почит кон Кјелце. Се уште е рано да се зборува за тоа.
Вардар за Шведска отиде со 16 ракометари, дома поради бздравствени причини останува Владо Недановски, а од тројцата голмани овојпат ќе изостане Петар Ангелов-Диви. Гонзалес за неделното деби во оваа сезона, дополни во продолжение:
Кристијанштад има нови играчи, но треба да го почитуваме нивнот квалитет. Јас сакам да играме како на 2-3 натпревари во Скопје во СЕХА лигата. Ќе се обидеме да играме побрзо. Вардар сега има нови играчи, а лани требаше да менуваме 2-3 играчи во напад и одбрана. Тешко е тогаш да се игра брзо. Сега имаме помалку измени.
