Vardar Fans
Во периодот од 10-12 февруари ќе се одигра второто издание на силниот меѓународен турнир. ‘Трофеј на градот-Зрењанин. На него учество ќе земат три младински екипи на ракометниот клуб Вардар. Момчиња и девојчиња родени 2002 година, тоа се пионерските состави на Вардар, како и машки родени 2000 година. На турнирот ќе се натпреваруваат и деца родени 2004 година, како и мини ракомет за помалите родени 2005 година. Натпреварите ќе се играат во “Кристилната сала, потоа во Медисон салата и спортската сала на О.У. Жарко Зрењанин.
Минатата година Вардаровите пионери под водство на Андријана Будимир направија голем успех на истиов турнир освојувајќи го сребрениот медал. Тие во финалето беа поразени од екипата на Камп Растимо, додека во полуфиналето успеаа да ја елиминираат екипата на Партизан, која важи за една од најдобрите школи на балканот. Пионерките пак лани завршија на шестото место на истиов турнир. И оваа година не очекуваат квалитетни натпревари и се надеваме добро издание на нашите младински екипи, каде повторно ќе атакуваме на некој од медалите.
