(ВИДЕО) Трите најдобри моменти на Тимур Дибиров, во големото финале на ЛШ

Пред нас е крајот на сезоната во ракометната лига на шампиони, каде екипата на Вардар стана нов шампион на Европа. Сигурно дека најважните голови на овој Ф4 во Келн ги постигнаа Лука Циндриќ и Иван Чупиќ, но ЕХФ направи кратко видео со учинокот на руското крило и волшебникот, Тимур Дибиров.

Дибиров во големото финале против ПСЖ имаше неверојатен гол, кога од тешка позиција сврти една топка која заврши во голот на Омејер. Потоа одбрани една топка, која ја фрли Генсхајмер кон неговиот соиграч, Лук Абало, а на шест минути пред крајот украде една топка и постигна гол од контра напад, со кој му донесе водство на Вардар.

Погледнете го ова видео и трите најдобри моменти на Тимур Дибиров во големото финале.