Циндриќ, Чупиќ и Карачиќ на списокот на повикани ракометари, за подготвителните натпревари на Хрватска против Словенија

Селекторот на хрватската ракометна репрезентација на Хрватска повика тројца ракометари од Вардар, за подготвителните натпревари против Словенија, кои ќе се одиграат на 26-ти ноември во Љубљана и 28-ноември во Загреб, во рамките на ЕХФ неделата.

На списокот од 21 ракометар се најдоа Лука Циндриќ, Иван Чупиќ и Игор Карачиќ. По подолго време во составот на Хрватска ќе се врати десното крило на Вардар и единствениот играч во историјата на Европскиот ракомет кој успеа  со два различни клуба да го одбрани трофејот во лигата на шампионите, се работи за Иван Чупиќ.

Хрватска се подготвува за Европското првенство на кое ќе биде домаќин, во периодот од 12-28-ми јануари.