Vardar Fans
Екипата на РК Вардар 2 продолжува со победи во првата ракометна лига. Избраниците на Стојан Петрушевски остануваат во борбата за првото место, кое на крајот води директно во супер лигата. Во С.Р.Ц. Кале во дербито на колото, црвено-црните беа подобри од екипата на Младост. Гостинот од Богданци одржуваше резултатска неизвесност само во првите 20 минути. Со серија на погодоци која започна пред крајот на првото полувреме, Вардарци го најавија триумфот на овој меч. Конечниот резултат гласеше 38:26. Најефикасни во нашите редови беа Тоше Ончев со 8 и Стефан Трпчевски со 7 гола.
-Подобриот победи на овој дуел, што се виде и од самиот резултат, каде разликата беше недостижни 12 голови. Но не треба да се потцени ниту еден противник, па ниту екипата на Рк Младост во чии редови има играчи со долгогодишно ракометно искуство што, покажа и самиот почеток на натпреварот. Првите 15 мин Рк Младост го даде својот максимум, но затоа во останатите 45 мин на теренот доминиравме ние со желбата за победа.
За две кола Вардар на домашен терен треба да го пречека лидерот на табелата, екипата на ХЈС Работник од Битола. Од конечниот исход на овој меч, можат да бидат познати многу работи околу конечниот пласман на табелата.
-Од оваа игра што ја покажавме ,сега очекувам дека до крајот на сезоната ке бидеме први на табелата и дека за две кола во решавачкиот меч со ХЈС Работник ке издвојуваме победа и ке покажеме дека тимот на Стојан Петрушевски е единствен и непобедлив во оваа лига, изјави Стефан Трпчевски за Вардар Фанс.
Звонко Ивановски
