Vardar Fans
Денеска се одигра и финалето во генерацијата 2000/2001 во машка конкуренција. Тимот на Урдаревски стана шампион со победата во финалето против врсниците од тимот на Академија 3 со резултат 25-18 (11-10).
Натпреварот започна изедначено на двете страни, се играше гол за гол се до 8 минута од натпреварот кога резултатот беше 4-4. Потоа тимот на Урдаревски постигна погодок за 5-4, но тимот на Академија одма потоа израмни на 5-5, се играше и 12 минута од мечот а резултатот беше 8-8. Се до крајот на првиот дел се играше изедначено со гол предност за една од екипите, на полувреме се замина со резултат 11-10 за тимот на Урдаревски.
Во вториот дел Урдаревски одигра одлично второ полувреме, и успеа да го надигра противиникот па дури и да слави висока победа. Со серија од 3-0 Урдаревски стигна до 14-11, потоа следуваше и игра гол за гол, а резултато беше 16-13. На средина на вториот дел од 19-16 победникот направи серија од 5-0 за високи +8. Тука веќе и беше познат победникот, конечниот резултат беше 25-18 за тимот на РК Урдаревски. Најефикасни кај Урдаревски беа: Чакалиќ 12 и Стефковски 5, кај поразените Свртигов постигна 5 погодоци.
