Vardar Fans
Откако за жал овој викенд нашиот РК Вардар беше елиминиран од Лигата на шампионите во 1/4 финалето од Веспрем, станува јасно дека нашите играчи својот фокус ќе го насочат кон домашниот шампионат и купот на Македонија. Вардарци веќе во Супер лигата одиграа два натпревари, на кои и на двата на убедлив начин ги победија своите противници. Следениот натпревар кој би можел уште од сега да ја реши титулата во Супер лигата за оваа сезона е токму дуелот кој следи, а тоа е против некогашниот лут ривал тимот на РК Металург.
Иако сеуште постои можност да се промени датумот на одигрување на овој дуел, сепак како што стои и на официјалната веб – страна на нашиот клуб натпреварот треба да се одигра на 4 мај (среда) со почеток во 17 часот и 30 минути. На овој натпревар Вардар треба да ја покаже силата и да слави убедлива победа, која ќе биде голем исчекор кон нова титула.
