Вардар е втор најдобар тим во ЛШ, според изборот на новинари во ЕХФ

Според изборот на пет новинари на ЕХФ, Том О’Бранаган (Ирска), Петер Брун (Данска), Немања Савиќ (Србија), Кевин Домас (Франција) и Бјорн Пацен (Германија), нашиот шампион е втор најдобар тим во лигата на шампионите. Изборот е направен според прикажаната игра и остварените резултати, по првите шест кола во најголемото ракометно напреварување. Прв на оваа листа котира Унгарски Веспрем, кој се наоѓа на второто место во групата “А“. Црвено-црните се втори кои се лидери во групата “Б“, додека ПСЖ го зазема третото место според направената анализа на овие новинари.

Изненадувачки, лидер во групата Б не е ниту актуелниот шампион Барселона, ниту учесникот на Ф4-турнирот, Кјелце, или пак Рајн-Некар, туку македонскиот шампион Вардар. По киксот против Колдинг, го возврати ударот со Кјелце, победувајќи со 10 гола во доминантен стил. Вардар прикажа импресивни натпревари и делува добро воигран и балансиран, што е резултат на работата на тренерот Раул Гонзалес, но и на паметните трансфери како Хорхе Македа и Александар Деревен. Сонот за пласман во Келн ќе се исполни ако македонската екипа ја одржи оваа форма, се вели во текстот  на ЕХФ за нашиот шампион.