Вардар го освои второто место на турнирот „Хумел Куп“. Видовме две различни полувремиња, добро прво и лошо второ за Вардар, па на крајот моравме да се помириме со висок пораз од 31:20.
Екипата на Магдебург отвори со два гола, но следеше добар период за Врдар и серија од 0:5 за водство од 2:5 после 8 минути игра. Томовски беше одличен на голот, додека нашата одбрана функционираше беспрекорно. Добро делувавме и во нападот, каде погодувавме од различни позиции. Преку Гаџа имавме можност да зголемиме на највисоки четири голови, но одбрани голманот на Магдебург и од тој момент започна кризата во нашата игра. Вујовиќ направи неколку измени во нападот, па едноставно неможевме да реализираме, а екипата на Магдебург во 24 минута го израмни резултатот на 8:8. Дури и поведе во 25 минута, за Георгиевски да го израмни резултатот. Финишот од првото полувреме им припадна на домаќинот кој успеа да стигне и до два гола разлика, дури и Томовски спречи негатива од три гола, затоа ние во напад реализиравме преку Георгиевски кој во првиот дел беше стопроцентен, со неговиот гол се замина на полувреме со резултат 12:11.
Вардар одигра многу лошо второ полувреме и на крајот убедливо го загуби натпреварот. На стартот од вториот дел го израмнивме резултатот на 12:12, за домашниот тим да влезе во серија од 0д 6:1 и да поведе со 18:13. Расположен беше противничкиот голман, додека Вардар не можеше да се поврзе во овој дел од натпреварот. Во 45 минута резултатот беше 23:14, па Вујовиќ побара тајмаут. Тука се беше јасно, Магдебург едноставно направи висока разлика која беше недостижна за нашиот шампион. Натпреварот заврши со резултат 31:20.