Вардар ја започнува одбраната на титулата во СЕХА-лигата, со дуел против тимот на Металург

Новата сезона во СЕХА-лигата, ќе започне со Македонското ракометно дерби, помеѓу екипите на Вардар и Металург. Се очекува на 29 или 30-ти август, Металург да биде домаќин на актуелниот освојувач на ова натпреварување, екипата на Вардар која е најтрофејна во СЕХА-лигата, со три освоени трофеи. Одлучено е во првото коло меѓусебно да се сретнат екипите кои доаѓаат од иста држава, со исклучок на двојката, Татран Прешов и Брест Мешков, кои се единствен претставник од Словачка и Белорусија.

Знаеме дека во новата сезона, дел од ова натпреварување нема да биде тимот на Веспрем, додека дебитант во СЕХА-лигата е тимот на Динамо Панчево, од Србија.

Двојки за првото коло:

Металург – Вардар

Загреб – Нексе

Војводина – Динамо Панчево

Горење – Целче П.Л

Татран Прешов – Брест Мешков