Вардар против Веспрем, во 1/8 финалето на ЛШ

Откако ЕХФ со службен резултат му додели победа на Вардар на натпреварот со Брест Мешков, познати се многу работи во групата, како и противникот на црвено-црните во 1/8 финалето од Лигата на Шампионите.

За Вардар останува да го одигра уште последното коло во групата А против екипата на Елверум. Без разлика на резултатот од овој дуел, Вардар ќе заврши на 5.место во групата, со оглед дека имаат 11 освоени бодови, или три повеќе од екипите на ППД Загреб и Елверум, кои во последното коло ќе се борат за 6.место во групата кое носи пласман во следната елиминациска рунда.

Веќе е познат и противникот на Вардар во 1/8 финалето, тоа е екипата на Веспрем, која ќе го освои 4.место во групата Б. Познато е дека првопласираните две екипи од групата директно се пласираат во 1/4 финалето, додека екипите од 3-6 место ќе играат во 1/8 финалето.