Вардар Јуниор, в четврток (14.03.2019 ) во рамки на предпоследното коло од Супер лигата го пречекува “фенерџијата“, ГРК Борец. Ова е дуел од 17.коло во Супер лигата и истиот ќе се игра во малата сала во Спортскиот центар “Јане Сандански“ во Скопје.
Ова е средба на двата последнопласирани тимови во супелигашката конкуренција. Ние досега во 16.кола имаме 9.бода, а нашиот ривал нема ниту еден успех и е залепен на дното со нула бодови. На оваа средба црвено-црниот млад тим на Петрушевски Стојан и Манасков Пепи се фаворит. На првата средба одиграна во Велес ние дојдовме до победа со пресврт во вториот дел со резултат 17 – 30.
Правдата на утрешниот дуел ќе ја делат Вукашиновски Александар и Трајковски Мирко од Скопје, делегат е нивниот сограѓанин Николовски Ацо.