Во сабота ќе се „судрат“ Вардар и Еурофарм Пелистер, во првиот од двата дуели кои треба да го одлучат шампионот на Македонија

Првиот од двата натпревари кои треба да го дадат новиот ракометен шампион на Македонија, ќе се одигра во сабота (27.03).

Во сабота, Вардар е домаќин на тимот на Еурофарм Пелистер, најголемиот конкурент на црвено-црните сезонава за одбрана на домашната титула. Дуелот ќе се одигра во С.Ц. Јане Сандански со почеток од 17:00 часот.

Двете екипи стартуваа со по две победи во плеј-офот на супер лигата. И двете екипи се соочуваат со проблеми околу повредени играчи, сепак влогот е голем, па останува да видиме на составите на екипите во сабота.