Вујин: Нема лесни противници во ЛШ, се надевам на добар меч и позитивен резултат од Брест

Во среда, Вардар ја отвара новата сезона во Лигата на Шампионите. Актуелниот Шампион на Европа гостува во Белорусија кај екипата на Брест Мешков. Познат противник за црвено-црните, со кој многу пати ги имаме одмерено силите во ЛШ и СЕХА.. Вардар оваа сезона ќе настапи со значително променет состав, а едно од новите засилувања, Марко Вујин ги изнесе очекувањата за првиот дуел во ЛШ.

„Одработивме едни квалитетни подготовки, ова е една сосема нова екипа. Имавме некои потешкотии со воиграноста, но работите одат на подобро од ден во ден и очекувам добра партија во Брест. Мешков е сериозна екипа со искуство, во Лигата на шампионите нема лесни ривали, па така, ако одиграме добра одбрана и напад и секако со добра полуконтра и контра можеме да се надеваме на позитивен резултат.

Натпреварот во среда ќе се одигра во терминот од 16:45 часот.