Вујо: Не патуваме со бело знаме, мораме да веруваме во себе!

Утре Вардар гостува во Данска кај екипата на Алборг. Добро познат ривал кој го победивме во Скопје пред три недели. Пред утрешниот дуел, тренерот на Вардар, Веселин Вујовиќ даде мислење за гостувањето и тежината на натпреварот.

„Ќе биде многу поразличен натпревар од тој што го одигравме во нашата сала. Ние успеавме да ја успориме нивната игра, да не трчаме многу и тоа ни донесе резултат, односно победа. Но, тие сега сигурно нема да ги повторат грешките од Скопје. Нивниот контранапад е многу поопасен од нашиот. Нам ни недостасува Борко, кој има мали здравствени проблеми, но тука е Сафар да го замени.  Ние не патуваме со бело знаме, мораме да веруваме во себе и еден добар меч во Алборг ќе ни биде од големо значење за важниот натпревар со Кил во Скопје“, рече Вујовиќ.

Дуелот утре, се игра со почеток од 18-45ч.