Вујовиќ: Ремито е најреален исход, започнуваме со подготовка за следните натпревари

Вчера започна новата сезона во ракометната Лига на Шампиони. Во рамките на првото коло, Вардар гостуваше во Норвешка кај екипата на Елверум. На еден интересен и неизвесен натпревар до самиот крај, екипите одиграа со нерешен резултат 27:27.

После завршување на натпреварот свое видување даде Вујовиќ, кој истакна дека ремито е најреален исход.

„Гледавме еден цврст и борбен натпревар на кој ниту една екипа не успеа да се одлепи и да создаде поголема предност. Сметам дека нерешениот резултат е повеќе од реален исход. Честитки до екипата на Елверум за прикажаната игра.

Ние бевме подобри во првиот дел, Елверум во вториот и можеби нерешениот епилог е најреален. Во едно сум сигурен, многу тимови ќе загубат тука. Ние немаме многу време за размислување, веднаш почнуваме со со подготовки за следните натпревари“