Вардар Јуниор утре во првото пролетно коло го пречекува Пролет 62

По стандардната зимска пауза, повторно овој викенд низ салите во Македонија се враќа суперлигашкиот машки ракомет. На програмата викендов е првото пролетно, односно 15.коло во оваа сезона. Во истото Вардар Јуниор ќе биде домаќин на екипата на Скопје, тимот на РК Пролет 62.

Дуелот се игра утре, сабота 2-ри март со почеток од 12 часот и 30 минути во Спортскиот центар “Јане Сандански“ (мала сала) во Скопје. Судии на оваа средба се Ќаев Спаско и Ќаев Глигор од Скопје. Тимот на Стојан Петрушевски и Пепи Манасков е претпоследен со 9.бода и повеќе од сигурно е дека ќе играме во плеј-аут сегментот. Покрај ова за доигрување од регуларниот дел од сезоната има уште три кола.