Vardar Fans
Вардар е поразен во дербито на Регионалната боксерска лига од Лозница со 3-7.
Мечот се одржа во малата сала на СЦ „Борис Трајковски“ и со пренос на ТВ Аренаспорт 1.
Како и што се очекуваше, боксерите на Лозница го оправдаа фаворитскиот статус, а нејзините боксери демонстрираа добра техничка и физичка подоготвеност.
Победи за Вардар обезбедија Беќир Лимани, Шпетим Бајоку и Милош Терзиќ. Јасин Лама беше близу победа и немаше да биде грешка ако тој победеше во дуелот со Јовановиќ, кој беше еден од најдобрите.
Инаку, Вардар поведе со победата на Лимани кој со Дјукановиќ почнаа жестоко од страт и тоа беше највозбудлива борба.
Бајоку покажа дека е фатер без компромис и се бореше до крај со Стошиќ. Терзиќ покажа дека е квалитетно засилување, а јавната опомена во третата рунда беше голема закана за пораз.
Боксерот на Лозница, Милисав Савиќ, демоснтрираше врвен бокс и ја доби тешкашката пресметка со прекин. Тој имал и неколку професионални мечеви, а и доминирал во Лигата на Србија.
Тренерот Насер Харуни вели дека има место за корекции и дека за наредното коло Вардар ќе биде посилен за Ардијан Аземи кој сега отсуствуваше од оправдани причини.
Претседателот на Боксерската федерација нан Македонија, Примислав Димовски, е задоволен од прикажаното и од организацијата на мечот.
Раководството на Лозница е задоволно од резултаот и најавува атак на титулата.
Меѓу гостите беа легендите Аце Русевски и Вели Мумин.
Вардар – Лозница 3-7
Јуниори
56 кг Беќир Лимани – Дарко Дјукановиќ победа со судиска одлука
64 кг Сури Усеинов – Един Сулиќ ТКО
Сениори
56 кг Луар Алиу – Тамир Галанов пораз со одлука
60 кг Дрилон Арифи – Семиз Аличиќ пораз со одлука
64 кг Јасин Лама – Ненад Јовановиќ пораз со поделена одлука
69 кг Шпетим Бајоку – Петар Стошиќ победа со поделена одлука
75 кг Октај Фератов – Алмир Мемиќ пораз ТКО Р1
81 кг Милош Терзиќ – Слободан Јовановиќ победа со поделена одлука
91 кг Петар Мауковиќ – Милисав Савиќ пораз со ТКО Р1
+91 кг – Владан Бабиќ службена победа
Распоред на 1.коло:
Група А
Вардар Скопје – Лозница 3-7
Железничар Сараево – Подгорица (28.05.2021)
Група Б
Витези Загреб – Радник Бјелина (05.06.2021)
Црвена звезда Белград – Марибор (29.05.2021)
Извор:Ipon.mk
