Vardar Fans
Женската екипа на Делчево е шампион во генерација родени 2000/01 година од ракометната Јуниор лига. Во денешното финале кој се одигра во спортскиот центар Јане Сандански. Делчево забележа убедлива победа во дуелот со екипата на РК Филип-Вардар.
Екипата на Делчево беше во постојано водство на овој меч и на крајот сосема заслужено се радуваше на освоеното прво место. Се играа две полувремиња по 25 минути. Мечот започна со водство за избраничките на Горан Велков од 2:0. При резултат 3:1 следи период од неколку минути каде двете екипи не пстигнуваат погодок. Делчево успева за момент да се одлепи на три гола разлика (5:2), но во 15 минута од натпреварот, РК Филип се враќа резултатски за намалување на 7:6. Во последните десет минути од првиот дел многу подобра игра за Делчево, кои постепено го зголемуваа водството, кое до крајот на првото полувреме порасна до шест голови разлика. На одмор се замина со резултат 15:9.
На стартот на вториот дел, РК Филип предводени од тренерот Таневски успеваат да постигнат два гола во серија и да намалат на 15:11. Сепак тоа беше се што успеа да сторат во овој дел од играта. Делчево прави серија од 3:0, за највисоки 18:11, по што полека се наближуваше шампионот во оваа генерација. Во 36 минута имаа водство и од 21:12. До крајот на натпреварот немаше неизвесност, на седум минути пред крајот Делчево стигна и до двоцифрена предност од 24:14. Конечниот резултат на крајот гласеше 30:19. Гоцевска и Николова беа најефикасни со по 8 погодоци.
јУ
