Вардар против Ларвик во 1/4-финалето од Л.Ш.

Со одигрувањето на последниот меч од нашата група помеѓу европскиот шампион Будуќност и  Митјиланд  заврши втората групна фаза од Л.Ш во нашата група-2. Претходно Ѓер на гости однесе победа кај романски Букурешт. Вардарки оваа групна фаза ја завршија како третопласирана екипа.

Поради победата на Ѓер во ова за нив клучно гостување нашите четири победи по ред не ни овозможија да завршиме како второпласирана екипа и да играме 1/4 финале со третиот од група-1. Наш противник во 1/4 финалето е екипата која во другата група го освои второто место Ларвик. Тие славеа на за нив клучното гостување кај екипата на  Флери во Франција со резултат 28:31. Вардарки преку норвешкиот шампион ќе се обиде да дојде до третото едноподруго учество на завршниот Ф-4 турнир во елитната лига.