Friday ,29 March 2024
Последни:
Home > ЖРК Вардар > Одлично засилување за ЖРК Вардар, Николовска Марија нов играч на вардарки

Одлично засилување за ЖРК Вардар, Николовска Марија нов играч на вардарки

271856874_10220827005447139_7263576576182438676_n

За пролетната полусезона каде ЖРК Вардар ќе игра во плеј-офот од сениорската лига, црвено-црните ангажираа одлично засилување. Станува збор за 22.годишниот, бек Марија Николовска. Таа ќе ја засили плеј-позицијата, а може да одигра по потреба и на левата бековска позиција.

Интересно е дека ова е фактички враќање во црвено-црниот клуб на оваа ракометарка, таа по почетоците во Ѓорче Петров играше во тимот на Вардар Јуниор. Потоа во кариерата беше дел од Спартак и Чаир каде одигра две одлични сезони. На почетокот на оваа доби понуда за Израел, ама се одлучи за Ѓорче Пертов, кој е технички нејзин последен клуб иако не впиша настап. Таа потпишува договор за половина сезона, на својот грб ќе го носи препознатливиот број за себе во лигата, бројот 4.

271867437_10220827006607168_677419770285361338_n

Стананува збор за квалитетен и борбен ракометар, кој несомнено ќе го подигне значајно квалитетот на играта на вардарки во двата правца. Покрај одличните организизациски способности во офанзива, доста борбени игри прикажува во одбраната. Беше дел од неколку подготовки и кампови на сениорската А-селекција, нејзиното искуство е драгоцено за овој млад тим во кој ќе биде моментално највозрасен член.

И посакуваме добродојде на новата ракометарка на црвено-црните и честитки до раководството на тимот кој се одлучи ваков добар играч да уфрли во ростерот за пролетниот дел.