ЖРК Вардар, утре против домаќинот на отварањето на меѓународниот турнир „Ѓорче 2022“

Екипата на Ѓорче Петров-ЖРК  во периодот од 26 (утре) до 28 август ќе го организира меѓународниот турнир “Ѓорче Куп 2022”, откако во минатата година го организираше првото издание, кое ги оправда очекувањата и го зголеми интересот за женскиот ракомет во Македонија.

Во групата А ќе играат екипите на Ѓорче Петров, Вардар и Бор, девојките на Александар Царчев утре ќе го играат првото коло од турнирот. Во истото ќе играат ланските финалисти, домаќинот Ѓорче Петров-ЖРК  и нашиот ЖРК  Вардар.  Дуелот ќе биде прв на турнирот и е закажан со почеток во 18-00 часот. И ова издание  како и првото,  натпреварите  ќе се играат на отвореното игралиште покрај “Камин Кама”.