Сара Митова во новата сезона ќе игра за Сондерјиске од Данска

Сара Митова не е повеќе дел од екипата на ЖРК Вардар СЦЈС, откако крилото се реши на интернационална кариера, потпишувајќи едногодишен договор со Данската екипа, Сондерјиске. Сара е исто така и репрезентативка на Македонија

-Таа е многу интересен играч, па веднаш ќе ја приклучиме кон тимот. Доаѓа кај нас, бидејќи нејзиниот репертоар во играта е одличен. Покрај одличните индивидуални квалитети, ќе се обидеме да ја инкорпорираме и во нашиот колектив, изјави Оливера Кецман, тренерот на новата екипа каде ќе настапува Митова.

Митова е четвртата ракометарка, која го напушти вториот тим на Вардар. Претходно тоа го направија, Симона Стојановска, Наташа Нолевска и Љупка Белмезова. Митова пред две сезони беше дел и од првиот тим на Вардар, но не успеа да се вклопи во замислите на клубот,кој се обидува секоја сезона да ја освои лигата на шампионите.