Vardar Fans
Започна вториот дел од сезоната за младинките на женскиот ракометен клуб Вардар. Црвено црните со победа се вратија од гостувањето во Чаир, против истоимената екипа. Конечниот резултат на овој дуел гласеше 20:27 во наша корист.
Вардарки во текот на целиот натпревар имаа постојано, водство, на кое на моменти противникот се доближуваше и израмнуваше. Одлично го започнавме мечот со водсво од 2:5. Во наредниот перод нашата предност се движеше најчесто до два гола позитива, а противникот во последните три минути од првиот дл успева да стигне до израмнување од 10:10. Уште по еден гол на двете страни за конечни 11:11 по првото полувреме.
Вториот дел започна со наш гол за ново водство од 11:12. Следуваше период во играта кога се играше гол за гол на двете страни, сепак Вардар беше тимот кој го контролираше резултатот. Чаир се обидуваше да направи резултатски пресврт но не му успеваше. Неизвесноста траеше се до резултат 20:22, кога со серија од пет последователни голови го скршивме отпорот на противникот и успеавме да ја забележиме првата победа во новата година, вкупно петта за Вардарки во лигата.
Најефикасна во нашиот состав беше Ива Божиноска со 8 постигнати голови, додека Тина Тодоровска додаде 5. Покрај нив во листата на стрелци се запишаа уште Сандра Стамова (4) Анастасија Николовска (2), Моника Георгиевска (2), Ивана Стојмановска (2), Сашка Филипоска (1), Ангела Карчева (1), Маја Китановска (1).
