Минатата сезона по заминувањето на ѕвездите од ЖРК Вардар, во сениорската лига почнаа да настапуваат младите девојки од кадетскиот состав. Тие веќе во првата сезона како сениорки дојдоа до Ф-4 во Купот кој се играше во Куманово. На денешен ден (09/05/2020) дојдовме до мечот за „злато“.
Младиот тим ЖРК Вардар покажа дека е достоен за црвено-црниот дрес. Во Куп 1/2-финалето во Куманово се сретнавме со Стружанка. Црвено-црните дами покажаа карактер, желба, храброст и победија. Ривалот немаше што да бара против еден ваков мотивиран тим. Вардарки газеа од минута во минута, по 6-6 во 13.минута се одеше на нашата “воденица“. Имавме добри голмани како Грујовска и Илиќ, одбраната покажа дека е бедем, во нападот разновидност. На одмор заминавме со 16-12, победата за финале дојде со резултат 27-18.
Најдобра во победата на ЖРК Вардар беше Ангела Костовиќ со осум гола, ја следеше Ѓеоргиевска со пет, а одлични беа и голманките Симона Грујовска и Андреа Илиќ со по седум одбрани.